కంచె ఐలయ్య! మంచిగ చెప్పినవయ్య! Part-2

ఆ లంకె చూడండి, గ్రేట్‌ ఆంధ్రా ప్రసాద్‌ గారు భలే చెప్పారుగా.

నేను సరిగ్గా అంటే సరిగ్గా ఇదే విషయం చెప్పాలనుకున్నాను, కానీ ఇలా వివరంగా అర్ధమయ్యేలా రాయడం  మనకిరాకపాయె.

విషయం ఏమిటంటే -- ఈ రాయపాటి, లగడపాటి కావురి వల్ల మనకి ఒరిగేదేమీ లేదు. వీళ్ళు కాంగ్రెస్‌ గేం ప్లాన్‌ లో భాగంగా గుంటూర్లోనో, విజయవాడలోనో, మా యిశాకపట్నం సీతమ్మధార బెస్తవీధి రామాలయం పక్కసందులోనో నుంచుని టీవీ గొట్టాలముందు నిలబడి ఏవేవో రెచ్చగొట్టే మాటలు పేల్తారు, దానివల్ల తెలంగాణ సోదరులకి మనమీద ద్వేషం పెరగడం తప్ప ఇంక ఏరకమైన ఉపయోగం ఉండదు. కాంగ్రెస్సోళ్ళకి కావల్సింది అదే, జనాలు కొట్టుకుని కొట్టుకుని విడిపోయి లగడపాటికి ఇక్కడా, కచరాబాబుకి అక్కడా ఓట్లేయాలి, రాహుల్‌ బాబు ని 2014 లో మన నెత్తిమీదకి వదలాలి. అదీ ప్లాను.

మనమధ్యలో చిచ్చుపెట్టి రాజకీయంగా లాభపడాలని ఎవడో పన్నిన భయంకరమైన కుట్రలని సమర్ధంగా అమలుచేస్తున్న ఈ తైనాతీ రాయుళ్ళకంటే, ఈ కుట్రనీ, పన్నాగాలనీ ఓపిగ్గా, వివరంగా జనాలకి విడమర్చి చెప్పి, జనాల్ని ఈ ఉచ్చుల్లోపడి జీవితాలని నాశనంచేసుకోకుండా నివారించగలిగే ఇలాంటి సమైక్యవాదులు మనకి ముఖ్యం. అది ఆంధ్ర పరకాల ప్రభాకరైనా సరే, తెలంగాణ ఐలయ్యషారైనా సరే.