డర్టీ పిక్చరు

డర్టీ పిక్చరు పోస్టర్లుజూస్తుంటే మీకేమనిపిస్తోందో తెలవదుగాని, నాకు మాత్రం

సిల్కు స్మిత పేరు చెప్పి ఏదో నానా చండాలం చూపించినట్లుండ్లా? ఈ ఎక్తా కపూరు తొక్కలో కపూరు సిల్కుస్మిత బతికున్నపుడు ఒక్కసారైన చూసి ఉంటారంటనా? వాళ్ళకి ఓ మద్యతరగతి కుటుంబంలోంచి వచ్చిన తెలుగు అమ్మాయి సినిమా రంగంలో ఎన్ని కష్టాలుపడి నిలదొక్కుకుందో ఎలా తెలుసుద్దంట? ఏందో పెద్ద పుట్టినప్పట్నించి పోయేదాకా ఆపిల్లమీద అన్నిహక్కులూ తమవే అన్నట్టు సినిమా తీస్తామని బయల్దేరారు.

పాపం పిచ్చిది, చచ్చి ఏలొకాన ఉందో.. అడగడానికి ఎవరూ లేరనే కదా? మతం బలం లేదు, కులం బలం లేదు, సిల్కుస్మిత మాది అని క్లైము చేయడానికి ఆమెబతికున్నంతకాలం ఆమెని ఉపయోగించుకున్న తెలుగుసినిమాపరిశ్రమలో ఒక్కడు ముందుకు రాడు.

ఇలాంటి వీకు మనిషిమీదపెట్టి ఏ చండాలంతీసి సినిమా అన్నా ఖండించేవాడెవడున్నాడని. పాపం పిచ్చిది .. ఆమె గౌరవాన్ని నిలబెట్టే బాధ్యత మనమీద ఏడ ఉండాది గనకన.

తిన్నామా పడుకున్నామా .. మన భజన సంఘాల బ్లాగుల్లో వహ్వా వహ్వా అని కామెంట్లేశామా .. అదే మనకి కావాలి.